HUN

Hun, hi in ti leh teh ang, ava han hlu tak em. Mizawng zawng hun in zat theuh pek kan ni a. Kan hman dan leh kan hman tangkai dan erawh a in ang lo hle in a in chen lo thei hle thung. Thenkhat 15/16 hrs hnathawk a hahtaka hun an hman lai in then khat erawh an mut nan te, thil lawi lo tih mai mai nan te kan lo hmang ve thin bawk. Kar hnih khat lek emaw thla hnih khat lek-ah chuan kan hunawl emaw hunawl kher lo kan hun hrim hrim kan hman that leh that loh in thlauhna chu a lang chhuak kher lo ang. Amaherawhchu, kum a han vei meuh chuan kan lo inhlat tawh viau ang. Kum dang a han vei leh meuh a, kum hnih kum thum te a han vei meuh te phei chuan naupan laia kan chawthing bar pui te ngei ngei nen pawh kan in zah in kan in hlat sawt thei awm e.

Kan hun hman that piah lam-ah hian kan duhthlanna (decision) te pawh hian kawngro a lo su ve em em tho mai. Thenkhat te erawh chu rokhawhlna (circumstances) hrang hrang avangin an duh ang pawh in an duh thlanna chu an siam thei lo pawh a ni thei. Mahse, chutiang ni lem lo, harsatna em em nei chuang silo, thatchhiatna avang leh, mahni inthunun-na (self-control) kan thlatchham avang pawh hian kan hmalam hun tam tak kan lo tibuai in kan ti khawlo thei reng a lo nia. Tunlai text message pakhat ah chuan, “thatchhe thufing : naktuka i tih tur chu khek rih rawh, tih a lo ngai leh lo mai thei” tih hi a nia. Ngaihtuah em em lem lo chuan a van dik ve te ka’n ti ve ngawt a. Mahse, ‘maithei’ tih a nia, khek ta lovin ti nghal ila a tam zawk chu tih ngai tho tho an ni duh zawk mah.

Chuvang chuan, i han ti hluai teh ang, tun hun (present) ah hian kan nakin hun a hril zia hi kei ngei pawh inhrilh nawn reng ka ngai. Ka mamawh tak zet zet. Law of Karma chuan ‘a man creates his own destiny’ a lo tia. A dik ka ti. Hun hman that pawimawh zia hi ka theihnghilh fo, mahni inthunun-na te ka tlacham fo, mahse ‘better late than never’ tih ang deuhvin, tun hun atang ngei pawhin i hun chu i la siam tha thei a ni tih in hre nawn leh fo ang u hmiang.