KRAWS PU-A ZUI
BibleReadings:
Mt. 16:24-26; Tin, Isuan a zirtir tehnenah, “Tupawhin mi zui a duh chuan mahni hreawm pawisa lovin, a kraws puin mizui rawh se. Tupawh a nun humhim duh apiangin a chan anga; tupawh keimah avangaa nun chan apiangin a humhim ang. Miin khawvel a pumin nei sela, a nun chan sisela, a tan engnge saw tang?”
Mt. 10:38; Tupawh a kraws pua mi zuilo chu, ka mi ni tlak a ni lo.
Lk. 14:27; Tupawh mahni kraws pua mizui lo apiang chu ka zirtir a ni thei lo vang.
Lk. 9:23; Tin, amah vekin, mi zawngzawng hnenah, “Tupawhin mi zui a duh chuan mahni hreawm pawisa lovin, ni tin akraws puin mi zui rawh se.
Bible-a kan hmuh ang khan Isua kanzui loh chuan kan nun kan chan dawn a ni a. Isua zui kan duh chuan Kraws putangai a ni. Kraws pu lo chuan Ami nitlak kan ni lo Isuan a tit lat mai.
1. Kraws in a Entir: Thihna. Isua kha Golgotha a krawspu-a a kal khan, tumahin kraws kha ritphur chhinchhiahna (symbolic of burden) ahan ngai lo. 1st century hunlai khan kraws chuan thil pakhat chiah akawk chu chu ‘thihna’ a ni. A tlawm thei ang ber leh na ber, mihring tuar theihtawp a na thihna, thih dan rapthlak ber ah an ngai a ni.
2. Kraws Pu Awmzia: Tunlai khawvelah chuan kraws pu kanhrilhfiah dan a lo dang ta. Thil hreawm, keimahni tih dikloh leh thuawih lohavanga harsatna, lungngaihna leh manganna kan chunga thleng te, taksa chaklohhrim hrim te, mahni inkhawngaihna (self pity) kan tih ang te, kan nuna kanritphurh te hi kraws pu ang ten kan hrilhfiah a. A dik lo a ni.
Kan sawi tawhangin Isua hunlai khan kraws chuanThihna rapthlak ber a entir a. A chhanchu Rom ho khan misual vawrtawp(convicted criminals) ho kha an mahni khenbehna tur an mahni kraws teuh an puttir thin a ni. An tan chuan ‘kraws put’ awmzia chu an thihna tur hmanrua put a,chutah kalkawngah mi nuihsawh leh endawng an kaltlang a tul thin a ni.
Chuvang chuan“I kraws puin mi zui rawh” Isuan a tih khan a tum tak chu thih leh mi teendawng pawh huam a Amah zui a ni (Lk 9:23). Chutichuan kraws pu awmzia chu‘mahni in that, mahni inphat, mahni in thiat’ (dying to self) tihna a ni. (a) Kraws pute chuan thihna lam an pan thina, an thi thin ang hian nunhlui chu thihsan tur kan ni. (b) Inpumpekna tawp akohna a ni.
3. Krista, Kan Entawn Tur: Isua hnungzuia kraws pu tur chuanAmah Isua atanga inzir kan ngai a. Amah kan entawn a ngai a ni.
(a) A in peknavawrtawp
(b) Tuarnakaltlanga thuawihna sang ber
(c) Kraws-a Athihna chuan chhandamana min pe a. A awmzia chu Chhandamna chu Tuarna-aTihfamkim a ni. Chhandam kan nih tawh chuan Isua anga tuarna kan kaltlang angai a ni.
4. Zuitu Nunkawng: (a) Kawng awlsam a ni lo:- (i)Kalsan, chan neih a ngai (ii) Mahni inphat a ngai (iii) Hmun reh, hmun khawhara ni. Kraws ah khan Isuan, “Ka pa, Ka Pathian engahnge mi kalsa” a ti. (iv)Engkim huam a ngai.
(b) Nunna Veka pe a, hmalam chauh pana kalna a ni.: kraws a A thihna chuan Nuna a hringa,min hmangaih avanga thi a nih avangin a Hmangaihna kan chhan let ve nan amahkan zui a ngai a ni. Amah zui tur chuan kraws put a ngai.
5. A nih leh:
(a) Eng hunah nge kan zui ang? – Nitin, englaipawhin. Lk. 9:23 “mahni hreawm pawisa lovinnitin a kraws puin mi zui rawh se” a ti a ni. Kan nuam tih zawng leh duh zawngte kalsan a tul thin ang. Entirnan, thianza hova thil tih nuam ka ti a ni theiamaherawh chu Kohhran emaw in Pathian hminga inpawl hona a neih lai ang techuan chung kan hun chu kan sacrifice vet e angai ang. Tunlai ah games khelh tekan uarin, facebook hmang uar em ema, hla zir ai a lo facebook te, thawhvelehatanga mahni devotion theihnghlih tak a facebook te games khelh te Kraws putnen chuan a rem lo a ni.
(b) Khawi hmunah nge kan zui ang? – khawihmunah pawh. Hmun ral ti, hmunkhawhar, zahthlak kantihna hmunah te. Kristian Vanram Kawngzawh-a Thlemsama ang mai a thlem kan sama, Lungngaihna Chirhdup kan kal kai theihloh chuan awmzia a awm dawn lo a ni.Kristiana anga Chhungte leh thenrual te pawhin an koh let theih loh, harsatnachi hrang hrang leh thlemna chitinreng pawh kal tlang zel a tul a ni.
(c) Engtinge kan zui ang? - Isua khan a hniam lam panin Vanhmun nuam atanga hmun hreawm ber ‘Luruh hmun’ thlengin ama mihrinna khengbetina Pa thu a zawm angin, keinipawhin a hniam lam panin mahni lam thiat zelin kanzui ang. Inngaitlawm te, tlawm zawka tan te a ngai thin. Entirnan, hmun harsakan tihna-ah te kohna hria chuan khawihmun kilkhawr leh hreawm pawh nise.Sacrifice tur tam tak a awm ang. Nula tlangval inngaihzawnna kawngah pawh inhmangaih te tan chuan engpawh in huam ang hian Isua i hmangaih chuan Atanengpawh i huam a angai ang.
(d) Khawi Hmun Thlenga Zui Tur Nge? – A tawp rat thlengin. Thih thlengin. A tawpa kan chan turnen chuan kan kraws put chu tekhin rual a ni lo a ni. Thupuan 2:10-ah kan hmuhkha “Thih thlengin rinawmin lo awm rawh, tichuan nunna lallukhum ka pe ang che.”Hun hreawm leh khirh kan kal lai pawhin kan lawmman dawn tur enrana kal hramhram a ngai a ni.
Harsatna kan tawh lem loh lai, kannun a kal tluan lai chuan Isua zui chu thil har a ni pawhin a lang lo.Amaherawhchu, Amaha kan inpek tak tak leh tak tak loh chu dinhmun khrih-ah alang chhuak thin a ni lawm ni. Nimahsela, chung hunah pawh chuan Thlamuang takaawm turin mamah zuitu te chu min ti. Isua khan hun harsa leh khirh Amah zuituten an paltlang a ngai tih a hre lawk a thlamuan thu min hnutchhiah a nih kha. “Keiinkhawvel ka ngam ta” Isuan a ti (Joh 16:33).
(P.S. Ka sermon sawi hmasak ber a nia chuvang chuan ka post ve duh hrim hrim)
